Babia Góra Nasjonaol Park

Babia Góra Nasjonaol Park (Poôls:Babiogórski Park Narodowy) is eên van de 23 Poôlse nasjonaole parken, 't lig in 't zuden van 't land in 't woiwodschap Klein Poôl'n, tehen de hrens bie Slowakije. 't Park besli 'n oppervlak van 33.92 km2 en 't oôdkwartier van 't park lig in Zawoja. De Babia Góra is den oôgste pieke van de Żywiec Beskied'n.

De Babia Góra

De Babia Góra vanaf Sokolica

Babia Góra Nasjonaol Park besli 't noôrdelijke en 'n stik van 't zudelijke stik van 't Babia Góra massief. Over de Slowaokse hrens is 't er ok 'n beschermd hebied, 't Babia Hora risservaot.

Heschiedenisse

't Hebied van Babia Góra wier 't eêst lehaol beschermd in 1933, toen a 't Babia Góra Reserve wier emikt. Op 30 oktober 1954 wier 't et offisjeel verklaerd as Nasjonaol Park. Sins 1976 stit 't bie UNESCO erehistreerd as biosfeerrisservaot. Dit risservaot wier in 2001 uutebreid.

Flora

In 't park leven onheveêr 500 soôrten vaetplant'n, bieni 200 soôrten mossen en antall'n kosmossen, alhen en levermossen. In de Babia Góra leven de verschill'nde plantesoôrten op bepaelde oôgen:

• 700-1150 m boven zeêniveau
  • Beukeboôm
  • Sparreboôm
  • Zilversparre
  • Daslook
• 1150-1350 m boven zeêniveau
  • Sparreboôm
• 1350-1650 m boven zeêniveau
  • Wilde liesterbeier
  • Anemone narcissiflora
• 1650-1725 m boven zeêniveau
  • Juncus trifidus
  • Cerastium alpinum (endemisch)

Fauna

• 105 soôrten veugels, wironder spechen en oehoes.
• Beêsten zoas 't hert, lynx, wolf en beêr.
• Insect'n, vurral kevers, wivan an sommihe uniek in 't hebied zien.

Zie ok

• Lieste van Poôlse Nasjonaole Parken

Externe lienks

• (pl) Offisjele site