'Oenderkoeten

Riek:	Beêsten (Animalia)
Stamme:	Chordabeêsten (Chordata)
Klasse:	Veugels (Aves)
Orde:	Anseriformes (Waeterveugels)

Femielje

Anhimidae
(Stejneger, 1885)

De 'oenderkoeten (Anhimidae) zien een femielje uut de orde van de waeterveugels (Anseriformes). Voeheen wier aoltied edocht dan ze bie de Galliformes, de 'oenders oôrn, mè dit bleek gin waer te wezen, ze zien naemelijk verwant an de een'n.

Uterlijk

'Oenderkoeten zien vrie hroôte veugels mie een kleine kop en hroôte, stevihe poôten. De poôten zien slechs deêls elobd. Nie zoas de aore een'n èn ze een hedeêltelijke ru en kunn'n ierdeur 't aele jaer deur vliehen. 'Oenderkoeten lên twi toet zeven witte eiers.

Voekomm'n

De 'oenderkoeten komm'n allaene voe in Zuud-Amerika, mie een verspreidiengshebied van 't noôrn van Arhentinië tot an Venezuela. Onzeker is of an de veugels bedreigd zien of a de soôrt in antall'n ofneem.

Taxonomie

De femielje van de 'oenderkoeten besti uut twi heslachen en drie soôrten:

Femielje Anhimidae
- Heslacht: Anhima
  - Hoôrn'oenderkoete (Anhima cornuta)
- Heslacht: Chauna
  - Witkaek'oenderkoete (Chauna chavaria)
  - Kuuf'oenderkoete (Chauna torquata)