Spiekenisse
Spiekenisse (Nederlands: Spijkenisse) is 'n voormaelige gemeênte en stad in Zuud-'Olland op 't eiland Svore-Putt'n. Van oorsprong is 't 'n klein durp, mar de leste jaeren is 't flienk 'egroed en tegenwoordig (2023) telt 't 73.000 inweuners.
Spiekenisse is in de 19e eêuw nog 'n hortje 'n vissersdurp eweest, net as ut kortebie elege Pernis. Vooral op zalm wier evist. Saeme mit Hekelingen hao Spiekenisse een eige burgemeêster, mar ’t waere wel tweê aparte gemeênten. Pas in 1966 wier Hekelingen bie Spiekenisse evoegd. De diek weeran de meêste huuzen stonge wier de Voorstraete enoemd, en die bestoot nog steeds. Da’s wel apart om te ziejene dat in een stads centrum dat ’t noe is, van die durpse huusies stoô. De ouwe kerke stoot aok an een drukke wegt en past eigenlijk nie meer bie de omgevieng. Of de omgeving past nie meer bie de kerreke, dat kan aok. Een aor oud gebouw in Spiekenisse is de Meule van Spiekenisse. Nae den oorlog wier Spiekenisse an'eweze as groeikern. Toe ging 't harde. Massa's Rotterdammers ontvluchtte d'r eige wieken, weer steeds meer butelanders kwamme weune en toge naer de nieuwe wieken van Spiekenisse. De eênvurmige weunwieken verpaupere min of meer en veel mênsen verhuuze wee varder, bevobeeld nae Hellevoet. De leste jaeren probeert Spiekenisse wat meer in kwaoliteit te investeren deur hoagbouw en aore weuningbouw langs de Ouwe Maes. Ze hao noe wel net de economische crisis tegen.
Ondanks dat Goereê-Overflakkeê korte bie Spiekenisse leit mo de meêste Flakkeeënaers weinig van Hellevoet hao. D'r go aok weinig meênsen vant eiland op Hellevoet of Spiekenisse weune. Wel komme wienkele, vooral van de westkante van Flakkeê. Da goôt ten koste van Menheerse. Mar de cultuurverschillen tussen Spiekenisse en Flakkeê bluuve groôt.
Op 1 jannawari 2015 wier Spiekenisse saeme mit de gemeênte Bernisse saemengevoegd toet de nieuwe gemeênte Nissewaerd.
Gemeênteraed bewerk
De raed van Spiekenisse bestond uut 35 zetels. Hieronger stoôt de saemenstellieng van de raed vanof 1998:[1]
| Gemeênteraedszeêtels | |||||||||||||||
|---|---|---|---|---|---|---|---|---|---|---|---|---|---|---|---|
| Partij | 2010 | 2006 | 2002 | 1998 | 1994 | 1990 | |||||||||
| Onafhankelijk Nieuw Spijkenisse ONS | 16 | 17 | 15 | 11 | 5 | ||||||||||
| PvdA | 5 | 9 | 5 | 7 | 6 | 9 | |||||||||
| VVD | 5 | 3 | 4 | 8 | 8 | 7 | |||||||||
| Trots op Nederland | 2 | ||||||||||||||
| CDA | 2 | 2 | 3 | 3 | 3 | 6 | |||||||||
| SP | 1 | 1 | 3 | ||||||||||||
| D66 | 1 | 1 | 2 | 6 | 7 | ||||||||||
| CU-SGP / GPV-RPF-SGP | 1 | 1 | 1 | 1 | 1 | 1 | |||||||||
| LPF | 1 | 2 | |||||||||||||
| GL | 1 | 1 | 2 | 1 | 1 | ||||||||||
| Nederland Mobiel | 2 | 2 | |||||||||||||
| Spijkenisse Leeft | 2 | ||||||||||||||
| Burgerbelangen Spijkenisse | 1 | ||||||||||||||
| Centrumpartij '86 | 3 | ||||||||||||||
| Totael | 35 | 35 | 35 | 35 | 35 | 33 | |||||||||
| Opkomst | 46% | 53% | 50% | 51% | 56% | 51% | |||||||||
Topograofie bewerk
