Barend Cornelis Koekkoek

Barend Cornelis Koekkoek (Middelburg, 11 oktober 1803 - Kleef, 5 april 1862) was een Nederlands lanschapsschilder. Hie wier 'eboren in Middelburg as de ouwste van vier zeunen van Johannes Hermanus Koekkoek en Anna van Koolwijk. Z'n vaoder was schilder van rivier- en zeêgezichen.

B.C. Koekkoek deu Willem Steelink, 1844
Heuvellandschap mee rustend boerenvolk onger een eike

Koekkoek studerende an de Koninkleke Academie voor Beeldende Kunsen te Amsterdam. Hie was al in z'n eihen tied beroemd om zijn romantische weergave van lanschappen. In 1833 trouwende um mee Elise Thérèse Daiwaille. Ze kregen vuuf dochters. In november 1858 kreeg Koekkoek een beroerte. Hij is 'esturve op achtenvuuftigjaerige leêftied. De meêste werken van Koekkoek binne lanschapsschilderiejen. Z'n schilderkunst is as romantisch te ziejene omdat het gin exacte mar een poëtische weergaeve van de netuur is. Vaek bestoô z'n schilderiejen uut een bos mee een kasteel of aor gebouw op de achtergrond. De netuur beslit groôste deel vant doek.

Eerbewiezen bewerk

Dat um z'n zien werk in eihen tied enorm 'ewaerdeerd wied, bliekt we uut de vele eerbewiezen en onherscheidingen die um in zien leven eit ontvangen:

1829: Gouwe medaille van de kunstenaersvereniging Felix Meritis in Amsterdam
Felix Meritis benoemt Koekkoek tot Titulaetuur-lid van de tekenofdelieng.
1830: Zulvere medaille van de kunstenaersvereniging Felix Meritis in Amsterdam.
1831: Erelid van de kunstenaersvereniging Arti Sacrum in Rotterdam.
1832: Lid van de Koninkleke Academie der Beeldende Kunsten in Amsterdam.
1835: Corresponderend lid vant Koninkleke Nederlands Instituut.
1837: Zulvere medaille van de Salon in Brussel.
1839: Ridder in de Orde van de Nederlandse Leeuw
Gouwe medaille op de Salon in Brussel
Gouwe medaille op de Salon in D'n Aegt.
1840: Gouwe medaille op de Salon in Parijs.
Bronze medaille op de tentoônstelling in Antwerpen nae anleiding van het Rubensfeêst.
1841: Oorkonde in plekke van een twidde gouwe medaille op de Salon in D'n Aegt.
1842: Ridder in de Belhische Leopoldsorde
1843: Gouwe medaille op de Salon in Parijs
Ridder in de Orde van het Legioen van Eer.
1844: IV-klasse in de Orde van de Rooie Aedelaer, verleend deu konieng Friedrich Wilhelm IV van Pruisen.
1851: Erelid van de Akademie der Beel'ende Kuns'n in Rotterdam
1855: Gouwe medaille op de Salon in Parijs.
Erevicepresident van de Societé Universelle pour l'encouragement des Arts et de l'Industrie in Londen.
1856: Erelid van de 'Societé Belge des Aquarellistes' in Brussel.
1861: Erelid van de Keizerleke Academie van Schoône Kuns'n in Sint-Petersburg.

Nog een voobeêld van de waerdering die um ten deel viel is dat B.C. Koekkoek de Ollandse konieng Wullem II op een reis naar Luxemburg begeleidde. De koning gaf um toe opdracht voo nehen schilderiejen.

Mae ok noe wor zien werk hewaerdeerd a'j kiekt nae de priezen die dae voo worre betaeld. De recordpries voo een werk van B.C. Koekkoek stit op € 1.412.000, in april 2006 bie Christie’s eboje deu een anonieme Russische verzamelaar.


Externe verwiezieng bewerk

Bron'n bewerk

  • Barend Cornelis Koekkoek (1803-1862), zijn familie, zijn school en het B.C. Koekkoek-Huis in Kleef, Kleef, 2000, ISBN 3-9805641-8-5
  • Angelika Nollert, Barend Cornelis Koekkoek [1803-1862] Prins der Landschapsschilders, Zwolle, 1997, ISBN 90-400-9959-6